தமிழர்கள் ஏமாற்றப்பட்டனர் என காணாமல் ஆக்கப்பட்டோரின் உறவுகள் வவுனியாவில் காணாமல் போனவர்களின் உறவுகளால் மேற்கொள்ளப்படும் போராட்ட பந்தலில் இன்று (03) இடம்பெற்ற ஊடக சந்திப்பின் போது தெரிவித்துள்ளனர்.
தொடர்ந்து ஊடகங்களுக்கு கருத்து தெரிவிக்கையில்,
இலங்கை சுதந்திரம் பெற்றதிலிருந்து, தமிழர்கள் ஏமாற்றப்பட்டனர். பின்னர் தமிழர்கள் இலங்கை அதிகாரிகளால் அடித்து நொறுக்கப்பட்டனர் என்பது எங்களுக்குத் தெரியும். நாங்கள் எந்த இலங்கை நிறுவனங்களையும் நம்பவில்லை. மனித உரிமை உயர்ஸ்தானிகர் மிச்சேல் பேச்லெட் அவர்களை மத்தியஸ்தராக்க விரும்புகிறோம்.
மட்டக்களப்பு மற்றும் வவுனியாவில் தமிழர்கள் யாரும் இலங்கையின் மனித உரிமைகள் ஆணைக்குழு பிராந்திய அலுவலகத்தில் இல்லை என்பதை நாங்கள் குறிப்பிட விரும்புகிறோம். நேர்மையாக இருங்கள், எங்கள் போராட்டத்தை யாரும் தங்கள் நலனுக்காக பயன்படுத்தக் கூடாது.
அரசியல் தீர்வு மற்றும் மனித உரிமைகள் சார்ந்த விடயங்களுக்கு, எங்களுக்கு மூன்றாம் தரப்பு மத்தியஸ்தம் தேவை. எங்கள் முதல் விருப்பமான அமெரிக்கா, ஐரோப்பிய ஒன்றியம், இந்தியா மற்றும் ஒருவேளை ஐநாவையும் கருத்தில் கொள்ளலாம் என்றனர்.
