நாடாளுமன்ற உறுப்பினர் சுமந்திரனுக்கு கொரோனா வைரஸ் தொற்று இல்லை!

img 6696
img 6696

நாடாளுமன்ற உறுப்பினர் சுமந்திரனுக்கு கொரோனா வைரஸ் தொற்று இல்லை என்று அறிக்கை கிடைத்துள்ளது என்று வடமாகாண சுகாதார சேவைகள் பணிப்பாளர், மருத்துவர் ஆ.கேதீஸ்வரன் தெரிவித்தார்.

“யாழ்ப்பாண மாநகர சுகாதார மருத்துவ அதிகாரி பிரிவினரால் நாடாளுமன்ற உறுப்பினர் சுமந்திரனின் மாதிரிகள் பெறப்பட்டு பல்கலைக்கழக மருத்துவ பீட ஆய்வுகூடத்துக்கு அனுப்பிவைக்கப்பட்டன.

அதன் பி.சி.ஆர் பரிசோதனை அறிக்கை இன்று இரவு 9.30 மணிக்கு வெளியாகியுள்ளது. அதில் நாடாளுமன்ற உறுப்பினர் சுமந்திரனுக்கு கொரோனா வைரஸ் தொற்று இல்லை என்று அறிக்கை கிடைத்துள்ளது” என்றும் வடமாகாண சுகாதார சேவைகள் பணிப்பாளர் குறிப்பிட்டார்.

நாடாளுமன்ற உறுப்பினர் ரவூப் ஹக்கீமுக்கு கொரோனா வைரஸ் தொற்று உள்ளமை நேற்று ஞாயிற்றுக்கிழமை உறுதிப்படுத்தப்பட்டது. அதனால் கடந்த 5ஆம் திகதி நாடாளுமன்றில் அவருடன் நெருக்கமாகப் பழகியவர்களில் ஒருவரான நாடாளுமன்ற உறுப்பினர் சுமந்திரன் நேற்று சுயதனிமைப்படுத்தார் என்பது குறிப்பிடத்தக்கது.