உக்ரேனிய சுற்றுலாப் பயணிகள் இலங்கைக்கு வருவதால் உக்ரேனிய அலை இருக்கும் என்று எதிர்க்கட்சியின் தவறான அச்சங்கள் இருந்தபோதிலும், சுகாதார வழிகாட்டுதல்களைப் பின்பற்றும் அரசாங்கம் உக்ரேனிய கொரோனா அலை இல்லை என்பதை உறுதி செய்துள்ளது என்று சுற்றுலாத்துறை அமைச்சர் பிரசன்ன ரனதுங்கா தெரிவித்துள்ளார் .
பைலட் திட்டத்தின் கீழ் இதுவரை சுமார் 1,200 உக்ரேனிய சுற்றுலாப் பயணிகள் இலங்கைக்கு வந்துள்ளனர். ஆனால் அவர்களில் இருவர் மட்டுமே கொவிட் -19 பாதிக்கப்பட்டவர்களாக அடையாளம் காணப்பட்டுள்ளனர் என்றும் அவர் வலியுறுத்தினார்.
மொனராகலையில் அண்மையில் நடைபெற்ற வாழ்வாதார மேம்பாட்டுக் குழுவின் கூட்டத்தின் பின்னர் ஊடகவியலாளர்கள் எழுப்பிய கேள்விகளுக்கு அமைச்சர் பதிலளிக்கும் போதே அமைச்சர் மேற்கண்டவாறு தெரிவித்துள்ளார்.
ஜனவரி 21 முதல் நாட்டை உத்தியோகபூர்வமாக சுற்றுலாப் பயணிகளுக்கு திறக்க அனைத்து ஏற்பாடுகளும் செய்யப்பட்டுள்ளன, சுற்றுலா பயணிகளுக்கு நாட்டை திறக்க பைலட் திட்டத்தில் அடையாளம் காணப்பட்ட பிரச்சினைகள் மற்றும் குறைபாடுகளை சரிசெய்யப்பட்டுள்ளன எனவும் அமைச்சர் மேலும் தெரிவித்தார் .
சுற்றுலாத் துறையின் வீழ்ச்சியால் நாட்டில் 3 மில்லியன் மக்கள் கடுமையாக பாதிக்கப்பட்டுள்ளனர் என்றும், மீட்கப்படுவதன் மூலம் நாட்டின் பொருளாதாரம் மீண்டும் கட்டமைக்கப்படும் என்ற அச்சத்தின் காரணமாக எதிர்க்கட்சி நாட்டில் ஒரு தவறான அச்சத்தை உருவாக்க முயற்சிப்பதாகவும் அமைச்சர் தெரிவித்தார் .
