2015க்கு முன்னைய ஜனாதிபதி மஹிந்த ராஜபக்ஷவின் அரசாங்கத்தின் போது, நாட்டில் பல வளர்ச்சி திட்டங்கள் செயல்படுத்தப்பட்டன. பின்னர் ஆட்சிக்கு வந்த அரசாங்கம் நாட்டின் வளர்ச்சிக்கு இடையூறாக அமைந்ததுடன், 2015 ஆம் ஆண்டின் முற்பகுதியில் அரசாங்கத்தால் உருவாக்கப்பட்ட தேசியமயமாக்கப்பட்ட சொத்துக்கள் கூட முறையான பராமரிப்பு இல்லாமல் அழிக்கப்பட்டன என ஜனாதிபதி கோட்டபாய ராஜபக்ஷ தனது முகப்புத்தகத்தில் பதிவிட்டுள்ளார்.
இந்த உண்மைகளை அறியாத இளம் சிறார்களை ஏமாற்றி இந்த குழுக்கள் அவர்களின் அரசியல் குறிக்கோள்களை அடைவதற்கு தொடர்ச்சியான தவறான பிரச்சாரங்களை மேற்கொள்கின்றன. அவர்களது பொய்ப்பிரச்சாரங்களுக்கு அகப்படாமல் என்றும் உண்மைகளின் அடிப்படையில் எனது ஆட்சியை தீர்ப்பளிக்க வேண்டும் என்றும் கேட்டுக்கொள்கிறேன் என அவர் மேலும் தனது பதிவில் குறிப்பிட்டுள்ளார்.
