இந்தியாவிற்கு சுற்றுப்பயணம் மேற்கொண்டுள்ள பங்களாதேஷ் அணி 3போட்டிகள் கொண்ட T20I தொடரில் பங்குபற்றுகிறது. நேற்று நடைபெற்ற முதலாவது போட்டியில் இந்திய அணி அதிர்ச்சித் தோல்வியடைந்துள்ளது.
முதலில் துடுப்பெடுத்தாடிய இந்திய அணி 20 ஓவர்கள் நிறைவில் 6 விக்கட்டுக்களை இழந்து 148 ஓட்டங்களை மாத்திரம் பெற்றுக்கொண்டது. இந்தியா சார்பில் அதிகபட்சமாக ஷிகர் தவான் 42 ஓட்டங்களையும், ரிஷாப் பன்ட் 27 ஓட்டங்களையும் பெற்றுக்கொடுத்தனர்.
பதிலுக்கு துடுப்பெடுத்தாடிய பங்களாதேஷ் அணி 19.3 ஓவர்களில் 2 விக்கட்டுக்களை மாத்திரம் இழந்து 8 விக்கட்டுக்கள் வித்தியாசத்தில் வெற்றி பெற்றது.
பங்களாதேஷ் அணி சார்பில் அதிகபட்சமாக முஸ்பிகுர் ரஹிம் இறுதிவரை ஆட்டமிழக்காது 60 ஓட்டங்களை பெற்றுக்கொடுத்தார்.
ஆட்டநாயகனாக முஸ்பிகுர் ரஹிம் தெரிவு செய்யப்பட்டார்.
3 போட்டிகள் கொண்ட இத்தொடரில் பங்களாதேஷ் அணி 1-0 என தொடரில் முன்னிலை பெற்றுள்ளது..
அடுத்த போட்டி 7ம் திகதி வியாழக்கிழமை நடைபெறவுள்ளது.
