தினமும் முருகனைத் வழிபடுகிறேன்!

1624331387 Shruti Haasan 2
1624331387 Shruti Haasan 2

கடவுள் முருகனைத் தினமும் வழிபடுவதாக கமல் ஹாசனின் மகள் ஷ்ருதி ஹாசன் தெரிவித்துள்ளார்.

கமல் ஹாசனின் மகளான ஸ்ருதி ஹாசன் நடிகையாகவும் இசையமைப்பாளராகவும் பாடகியாகவும் உள்ளார். 2009-ல் லக் என்கிற ஹிந்திப் படத்தின் மூலம் நடிகையாக அறிமுகமானார். லாபம், சலார் ஆகிய படங்களில் தற்போது நடித்துள்ளார்.

இந்நிலையில் இன்ஸ்டகிராமில் ஸ்ருதி ஹாசன் எழுதியதாவது:

கடினமான காலகட்டத்தில் தலைநிமிர்ந்து நடக்கவும் பிரகாசமான காலத்தில் தன்னடக்கத்துடனும் இருக்கவும் என் தந்தை என்னை வழிநடத்தியுள்ளார். யாரை வணங்குகிறீர்கள் என்பது முக்கியமல்ல. கடவுள் முருகனைத் தினமும் வழிபடுகிறேன். இதுபோன்ற தருணங்களில் நம் நம்பிக்கையை மீண்டும் கடைப்பிடிக்க வேண்டும் என்று கூறியுள்ளார்.