கொரோனாவால் பாதிக்கப்பட்ட பிரபல ஹோலிவுட் நடிகர் ஒருவர் சிகிச்சை பலனின்றி உயிரிழந்தார்.
கொரோனா என்ற உயிர்க்கொல்லி வைரஸ் உலகையே அச்சுறுத்தும் நிலையில் தினந்தோறும் ஆயிரக்கணக்கான மக்கள் கொத்து கொத்தாக செத்து மடிகின்றனர்.
கொரோனா நோயாளிகளால் வைத்தியசாலைகள் நிரம்பி வழிகின்றன. ஹோலிவுட் நடிகர்-நடிகைகள் இந்த கொடிய வைரசுக்கு இரையாகி வருகின்றனர்.
ஹோலிவுட் நடிகர்கள் ஆண்ட்ரூ ஜாக், மார்க் பிளம், நடிகைகள் பேட்ரிசியா பாஸ்வொர்த், லீ பியர்ரோ, இங்கிலாந்து நகைச்சுவை நடிகர் எட்டி லார்ஜ், ஜப்பான் நடிகர் கென் ஷிமூரா மற்றும் அமெரிக்க பாடகர் ஜோ.டிப்பி உள்ளிட்டோர் கொரோனா வைரசுக்கு பலியாகி உள்ளனர்.
அந்த வரிசையில் பிரபல ஹோலிவுட் நடிகரான ஜாய் பெனடிக்ட் கொரோனா வைரஸ் தாக்கி உயிரிழந்தார். அவருக்கு வயது 68. சில தினங்களுக்கு முன்பு ஜாய் பெனடிக்ட்டுக்கு கொரோனா வைரஸ் தொற்று இருப்பது உறுதி செய்யப்பட்டதை தொடர்ந்து, அவர் தனிமைப்படுத்தப்பட்டு சிகிச்சை பெற்று வந்தார்.
இந்த நிலையில் சிகிச்சை பலனின்றி அவரது உயிர் பிரிந்தது. இவர் ஜேம்ஸ் கேமரூன் படமான ஏலியன்ஸ், த ஒயிட் நைட், த அபோகலிப்ஸ் கோட் உள்பட பல படங்களில் நடித்துள்ளார். தொலைக்காட்சி தொடர்களிலும் நடித்து இருக்கிறார். ஜாய் பெனடிக்ட் மறைவுக்கு ஹோலிவுட் நடிகர்-நடிகைகள் பலரும் இரங்கல் தெரிவித்துள்ளனர்.
