நெய் ஆரோக்கியமானது, இது சருமம் மற்றும் முடி இரண்டுக்குமே நன்மை செய்யகூடியது என்கிறது ஆயுர்வேதம்.
நெய் ஏராளமான வைட்டமின்கள் மற்றும் தாதுக்களின் நல்ல மூலம். அதனால் இது சருமம் மற்றும் கூந்தல் இரண்டுக்குமே ஈரப்பதம் வழங்கி நீரேற்றத்தை அதிகரிக்க செய்யும். ஆயுர்வேதம் நெய் சிறந்த சரும பாரமரிப்பு என்கிறது. குறீப்பாக வறட்சியை போக்கும் சிறந்த மூலப்பொருளாக இவை உள்ளது. சருமத்தை மென்மையாகவும் பளபளப்பாகவும் வைக்க உதவுகிறது. இந்த நெய்யை கொண்டு உங்கள் சருமத்தை எப்படி எதற்கெல்லாம் பயன்படுத்தலாம் என்பதை தெரிந்துகொள்வோம்.
வறட்சியான சருமம்
எப்போதும் சருமத்தில் வறட்சியை கொண்டிருந்தால் நீங்கள் நெய் பயன்படுத்தி வறட்சியை மீட்கலாம். சில துளிகள் நெய்யை எடுத்து சருமம் முழுக்க தடவி இலேசாக மசாஜ் செய்யவும். 20 நிமிடங்கள் வரை முகத்தை அப்படியே விடவும். பிறகு மந்தமான நீரில் முகத்தை கழுவினால் முகம் மென்மையாக கூடும். தொடர்ந்து இரண்டு வாரங்கள் வரை இதை செய்ய வேண்டும். பிறகு படிப்படியாக வாரம் மூன்று முறை, வாரம் இரண்டு முறை, வாரம் ஒரு முறை செய்துவந்தால் வறட்சி முற்றிலும் நீங்கும்.
முகப்பருக்களை தடுக்கும்
முகத்தில் எண்ணெய்ப்பசை இருந்தால் முகப்பருக்கள் வரும். என்ணெய் போன்றிருக்கும் நெய் பயன்படுத்துவதன் மூலம் முகப்பருவை எப்படி போக்குவது என்று நினைக்கலாம். ஆனால் நெய்யில் பக்டீரியா எதிர்ப்பு பண்புகள் உள்ளன. இது முகத்தில் தேவையற்ற பருக்களை தடுக்க உதவும். இது ஈரப்பதம் அளிக்க கூடியவை என்பதோடு பல்வேறு சரும பிரச்சனைகளுக்கு சிகிச்சையளிக்கவும் இவை உதவக்கூடும். சருமம் உரிதல், நீரிழிப்பு போன்ற சிகிச்சைகளுக்கு நெய் பயன்படுத்தலாம். இது பிரகாசமான தோற்றத்தையும் தரக்கூடும்.
கருவளையம் போக
கண்களுக்கு கீழ் இருக்கும் கருவளையம் படிப்படியாக அதிகரித்து கண்களை சுற்றிலும் கூட கருப்பை உண்டாக்கிவிடும். பிறகு சருமத்தில் குறிப்பாக நெற்றி பகுதியில் சுருக்கங்கள், கோடுகள், வயதான பிறகு வரக்கூடிய அறிகுறிகள் வரக்கூடும். இதை போக்க நெய் பயன்படுத்தலாம். நெய்யில் ஆன் டி ஆக்ஸிடண்ட்கள் உள்ளது. இது இந்த அறிகுறிகளை எதிர்த்து போராடும்.
நெய்யில் இருக்கும் கொழுப்பு அமிலங்கள் வைட்டமின்கள் மற்றும் ஆக்ஸிஜனேற்றிகளின் நன்மைகள் கண்களுக்கு கீழ் இருக்கும் கருவளையத்தை போக்க செய்யும். கருவளையம் போன்று கண்களுக்கு கீழ் உண்டாகும் பைகள், வீக்கத்தை குறைக்க மசாஜ் செய்யவும் நெய் பயன்படுத்தப்படுகிறது. உங்களுக்கு கருவளையம் அதிகம் இருந்தால் நீங்கள் என்ன செய்யலாம்.
