பாஸ்போட் அலுவலகத்தின் நடைமுறைகள் !

1 16
1 16

பாஸ்போட் ( கடவுச் சீட்டு- Passport ) வழங்கும் பிராந்திய அலுவலகம் வவுனியாவில் அமைந்துள்ளது.
அண்மையில் எனது குடும்ப உறுப்பினர்கள் இருவரது பாஸ்போட்டைப் புதுப்பிக்கச் சென்று வந்தேன்.
அதன் அனுபவங்களைப் பகிர்கிறேன். பயனுடையதாக இருக்கும்.

01.பாஸ்போட் அலுவலகம் வவுனியா ரெயில்வே ஸ்ரேசனுக்கு மிக அண்மையில் உள்ளது.

02.காலை 8.30 மணிக்கு நிற்கக் கூடியதாகச் செல்லுங்கள்.பிற்பகல் 1.30 மணி வரை விண்ணப்பங்களைக் கொடுக்க முடியும்.

  1. பாஸ்போட் அலுவலகத்திற்கு உள்ளே போக முதலே தங்களது ஸ்ரூடியோவில் புகைப்படம் எடுக்கலாம். தாங்களே நிரப்பித் தருவோம் என புரோக்கர்கள் வருவார்கள். அவர்களிடம் செல்ல வேண்டாம்.

தேவையான போட்டோ பிரதிகளையும் அங்கு எடுக்கலாம்.

  1. நேரடியாக அலுவலகம் செல்லுங்கள்.
  2. தேவையான ஆவணங்களைச் சரியாகக் கொண்டு செல்லுங்கள்.
    பிறப்பு,விவாகச் சான்றிதழ்கள் ஆயின் 6 மாத காலத்திற்கு உட்பட்டதாகப் பெற்றிருத்தல் வேண்டும்.

பெற்றோர் பாஸ்போட் வைத்திருப்பின் கட்டாயமாக எடுத்துச் செல்லுங்கள்.

உங்களை அடையாளப்படுத்த தேசிய அடையாள அட்டை, அல்லது செல்லுபடியாகும் கடவுச் சீட்டு அல்லது செல்லுபடியாகும் சாரதி அனுமதிப் பத்திரம் இவற்றில் ஒன்று கட்டாயம் தேவை.

  1. சான்றிதழ்கள் தமிழில் இருந்தாலே போதுமானது. ஆங்கில மொழி பெயர்ப்புத் தேவையில்லை.

07.அங்கு பாதுகாப்பு உத்தியோகத்தர்களாகக் கடமையாற்றுபவர்கள் உங்களுக்குச் சரியான வழிகாட்டுதலைச் செய்வார்கள்.

08.சென்ற உடன் பெண் பாதுகாப்பு உத்தியோகத்தரிடம் இலக்க ரோக்கனை உடனேயே வாங்கி விடுங்கள்.தமிழில் யாவரும் யாவும் கதைக்கலாம்.

  1. அவரிடமே பாஸ்போட் புதுப்பிக்கும் படிவத்தை வாங்குங்கள்.
    அங்குள்ள உத்தியோகத்தர்கள் அல்லது ஆங்கிலம் தெரிந்த அங்கு வரும் பொதுமக்கள் படிவத்தைப் பூரணப்படுத்தித் தருவார்கள்.
  2. புகைப்படத்தை அங்கேயே எடுங்கள். 250 ரூபா எடுப்பார்கள். அதன் பிறின்ற் ஒன்றைத் தருவார்கள் .அதனை விண்ணப்பப் படிவத்துடன் கொடுங்கள்.
  3. விண்ணப்பத்தில் ” சகல நாடுகளுக்குமான கடவுச் சீட்டு – All Countries ) எனும் பெட்டியினுள் சரி போடுங்கள்.3500 ரூபா கட்டணம். 01.01.2019 முதல் மத்திய கிழக்கு நாடுகளுக்கு மட்டுமான கடவுச்சீட்டு விநியோகம் நிறுத்தப்பட்டுள்ளது.

11.ஆனால் விண்ணப்பத்தை உள்ளே சென்று கொடுக்கும் போது அங்குள்ள அலுவலர் எங்கே போவதற்குப் பாஸ்போட் எடுக்கிறீர்கள் எனக் கேட்பார்.
இந்தியா போவதற்கு எனச் சொன்னவர்களுக்கு India Only என பாஸ்போட்டில் அடித்து ஒரு வாரத்தினுள் விநியோகித்து இருக்கிறார்கள்.7 நாள்களுள் பாஸ்போட் வந்துள்ளது.

  1. அவ்வாறு பாஸ்போட்டைப் பெற்றவர்கள் திரும்பவும் சென்று All Countries என மாற்ற அலைந்துள்ளார்கள்.
  2. ஆகவே நீங்கள் கனடா போவதோ, சுவிஸ் போவதோ உங்களது சொந்த விடயம். ஆகவே அவர் கேட்டால் அவுஸ்திரேலியா ,கனடா, சுவிஸ்,பிரான்ஸ்,நோர்வே போல ஒரு நாட்டைச் சொல்லுங்கள்.
  3. அவ்வாறு சொன்னால் பாஸ்போட் 14 முதல் 21 நாள்களுக்குள் உங்களது வீட்டிற்கு வந்து விடுகிறது.
  4. நீங்கள் ஒரே நாளில் பாஸ்போட்டை எடுப்பதானால் கொழும்பு ,பத்திரமுல்லவுக்குத் தான் செல்ல வேண்டும்.
  5. வவுனியா போன்ற பிராந்திய நிலையங்களில் எடுக்க முடியாது.
  6. வவுனியாவில் அலுவல் பார்த்து ஒரே நாளில் பாஸ்போட் எடுத்து தருகிறேன். 10 000 ரூபா தருகிறீர்களா ?
    எனச் சில ஏமாற்றுப் பேர்வழிகள் உத்தியோகத்தர் போல ரிப்ரொப்பாக அந்த அலுவலகத்தினுள் ஆள்களிடம் பேச்சுக் கொடுக்கின்றனர்.

ஏமாந்து விடவேண்டாம்.

  1. பதினெட்டு வயதுக்கு உட்பட்ட பிள்ளையின் பாஸ்போட்டை புதுப்பிப்பதாயின் தாய், தந்தை கட்டாயம் நேரில் செல்ல வேண்டும்.
    பிள்ளையையும் அழைத்துச் செல்ல வேண்டும்.

பயன் பெறுங்கள் உங்களது நண்பர்களுக்கும் தகவல் சொல்லுங்கள்.

வேதநாயகம் தபேந்திரன்