அறிமுக நாயகன் ஆர்யன் ஷாம் நடிக்கும் “அந்த நாள்” படத்தின் பர்ஸ்ட் லுக் போஸ்டரை ரஜினிகாந்த் நேற்று மாலை வெளியிட்டார்.
கதாநாயகன் ஆர்யன் ஷாம் புகழ்பெறவும், ‘அந்த நாள்’ படம் வெற்றி பெறவும் வாழ்த்துக்களை தெரிவித்துக்கொண்டார்.
அந்த நிகழ்ச்சியில் ஏவிஎம்.சரவணன், இயக்குநர் எஸ்.பி.முத்துராமன், கதாநாயகன் ஆர்யன் ஷாம், அபர்ணா குகன் ஷாம், படத்தின் இயக்குநர் விவீ, ஒளிப்பதிவாளர் சதீஷ் கதிர்வேல் ஆகியோர் கலந்து கொண்டனர்.
கிரீன் மேஜிக் என்டர்டெய்ன்மென்ட் சார்பில் ஆர்.ரகுநந்தன் ‘அந்த நாள்’ படத்தை தயாரிக்கிறார். விரைவில் இப்படத்தின் மோஷன் போஸ்டர், டீசர், டிரைலர்கள் அடுத்தடுத்து வெளியாக இருக்கிறது.
