ஜெயம் ரவி நடிப்பில் உருவாகியிருக்கும் புதிய படம் ஒன்று விரைவில் பிரபல ஓடிடி தளம் ஒன்றில் நேரடியாக பொங்கலுக்கு வெளியாக உள்ளதை படக்குழுவினர் அதிகாரப்பூர்வமாக அறிவித்துள்ளது தியேட்டர்காரர்களை கோபப்படுத்தியுள்ளது.
தற்போது இருக்கும் தமிழ் சினிமா நடிகர்களில் ஜெயம் ரவியின் படங்கள் ரசிகர்களிடையே மிகப்பெரிய வசூலை குவித்து வருகிறது. கடைசியாக அவரது நடிப்பில் வெளியான கோமாளி படம் வசூலில் சக்கைபோடு போட்டது குறிப்பிடத்தக்கது.
இதனால் ஜெயம் ரவி நடிக்கும் 25வது படமான பூமி. இப்படத்திற்கு மிகப்பெரிய எதிர்பார்ப்பு ஏற்பட்டது. முன்னதாக ட்ரெய்லர் வெளியாகி வரவேற்பை பெற்ற நிலையில் சமீபத்தில் வெளியான பூமி படத்தின் பாடல்கள் உணர்வுப்பூர்வமாக இருந்ததாக ரசிகர்கள் கருத்து தெரிவித்தனர்.
இந்நிலையில் பூமி படத்தை நேரடியாக ஓடிடி தளத்தில் வெளியிடப்போவதாக படக்குழுவினர் அதிகாரபூர்வமாக அறிவித்து விட்டனர். இதை சற்றும் எதிர்பார்க்காத தியேட்டர்காரர்கள் அதிர்ச்சியில் உறைந்து போயுள்ளனர்.
தற்போது இருக்கும் சூழ்நிலையில் தியேட்டர்களில் படம் வெளியானால் வசூல் செய்யுமா என்பது கேள்விக்குறிதான். முன்னதாக விஜய்யின் மாஸ்டர் படமும் தியேட்டரில் ரிலீஸ் செய்யலாமா, நேரடியாக ஓடிடி தளத்தில் ரிலீஸ் செய்யலாமா என்று குழப்பத்தில் உள்ளனர்.
மிகப் பெரிய வியாபாரம் உள்ள நடிகரே அப்படி யோசிக்கும்போது ஜெயம் ரவி என்ன செய்வார் பாவம். ஆனால் அடுத்தடுத்து ஜெயம் ரவி நடிக்கும் படங்களை தியேட்டரில் வெளியிடுவதாக ஒப்புக் கொண்டுள்ளாராம்.
