‘நடுவுல கொஞ்சம் பக்கத்த காணோம்’, ‘இதற்கு தானே ஆசைப்பட்டாய் பாலகுமாரா’, ‘ஹலோ நான் பேய் பேசுகிறேன்’, ‘ஜுங்கா’, ‘கேப்மாரி’ உள்ளிட்ட பல படங்களுக்கு இசை அமைத்தவர் சித்தார்த் விபின். இதேபோல் நடிப்பிலும் கவனம் செலுத்தி வரும் சித்தார்த் விபின் ‘வல்லவனுக்கு புல்லும் ஆயுதம்’, ‘வாசுவும் சரவணனும் ஒன்னா படிச்சவங்க’, ‘காஷ்மோரா’ போன்ற படங்களிலும் நடித்துள்ளார்.
இதுவரை இவர் நடித்த படங்கள் அனைத்திலும் பெரும்பாலும் நகைச்சுவை வேடங்களிலே நடித்தார் சித்தார்த் விபின். இந்நிலையில், புதுமுக இயக்குனர் புவன் இயக்கத்தில் உருவாகும் சல்பர் எனும் படத்தில், சித்தார்த் விபின் முதன்முறையாக வில்லனாக நடிக்க உள்ளார். இப்படத்தில் நடிகை யாஷிகா ஆனந்த் ஹீரோயினாக நடிக்கிறார். மேலும் வில்லன் வேடத்தில் நடிக்க கூத்துப்பட்டறையில் பிரத்யேகமாக நடிப்பு பயிற்சியும் பெற்றுள்ளாராம் சித்தார்த் விபின்.
