அட்லி இயக்கத்தில் விஜய் நடித்து திரைக்கு வந்துள்ள படம் பிகில் படத்தின் ஒரு காட்சியில் காமெடி நடிகர் ரோபோ சங்கரின் மகள் இந்திரஜாவிற்கு குண்டம்மா என்று சொல்லி திட்டி உசுப்பேற்றுவார். அந்த ஒரு காட்சியில் உடல் தோற்றத்தை வைத்து கிண்டல் செய்த விஜய்க்கு சமூகவலைதளங்களில் எதிர்ப்புகள் எழுந்தன.
இந்த நிலையில், இந்திரஜா அளித்த ஒரு பேட்டியில்,
”என்னை குண்டம்மா என்று சொல்வதற்கு விஜய் தயங்கினார். படத்தின் காட்சிக்கு அது தேவைப்பட்டதால் அப்படி நடித்தார். நானும் எந்தவித சங்கடமும் இல்லாமல் இயல்பாகவே நடித்தேன். ஆன போதும், அந்த காட்சியில் நடித்த பிறகு அவர் என்னிடம் வந்து குண்டம்மா என்று சொல்லி நடித்ததற்கு மன்னிப்பு கேட்டார்’ என தெரிவித்துள்ளார்.
