ஓடிடி தளத்தில் வெளியாகி இருக்கும் சார்பாட்டா படத்தின் வில்லன் நடிகர் ஜான் கொக்கேன், அஜித் பற்றி தனது சமூக வலைத்தள பக்கத்தில் பதிவு செய்திருக்கிறார்
பா.இரஞ்சித் இயக்கத்தில் ஆர்யா நடிப்பில் தற்போது வெளியாகி இருக்கும் படம் ‘சார்பட்டா பரம்பரை’. ஓடிடி தளத்தில் வெளியான இப்படம் ரசிகர்களிடையே நல்ல வரவேற்பு பெற்று வருகிறது. இப்படத்தில் வேம்புலி என்ற கதாபாத்திரத்தில் ஜான் கொக்கேன் நடித்திருந்தார். இவருடைய கதாபாத்திரம் தற்போது அதிகம் பேசப்பட்டு வருகிறது.
இந்நிலையில், வேம்புலி கதாபாத்திரத்தை அஜித்துக்கு அர்ப்பணிப்பதாக ஜான் கொக்கேன் தனது சமூக வலைத்தள பக்கத்தில் பதிவு செய்திருக்கிறார். இவர் வெளியிட்டிருக்கும் பதிவில், “நன்றி தல அஜித் சார். எப்போதும் என்னை உத்வேகப்படுத்தினீர்கள், என்னையே நம்புவதற்கும் நீங்கள் தான் ஊக்கப்படுத்தினீர்கள். வீரம் படத்தின் படப்பிடிப்பு நாட்களில் உங்களுடன் செலவிட்ட நேரம் எனக்கு வாழ்க்கை பாடத்தை கற்றுத்தந்தது.
ஒவ்வொரு நாளும் கடினமாக உழைக்கவும், சிறந்த மனிதராகவும் மாற நீங்கள் என்னை ஊக்குவிக்கிறீர்கள். இந்த வேம்புலி கதாபாத்திரத்தை உங்களுக்காக அர்ப்பணிக்கிறேன் சார். லவ் யூ சார்.” என அதில் குறிப்பிட்டுள்ளார்.
ஜான் கொக்கேன், அஜித் நடிப்பில் வெளியான வீரம், யாஷ் நடிப்பில் வெளியான கே.ஜி.எப், சிம்பு நடித்த ஒஸ்தி ஆகிய படங்களில் நடித்துள்ளார்.
