கார்த்திக் சுப்பராஜ் இயக்கத்தில் விக்ரம், துருவ் விக்ரம் நடித்துள்ள படம் மகான். இவர்களுடன் சிம்ரன், வாணி போஜன், பாபி சிம்ஹா ஆகியோரும் முக்கிய வேடங்களில் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். செவன் ஸ்கிரீன் ஸ்டூடியோஸ் நிறுவனம் தயாரித்திருக்கிறது.
இந்தப்படத்தின் படப்பிடிப்பு முடிவடைந்து இறுதிக்கட்ட பணிகள் நடைபெற்று வந்த நிலையில் தற்போது இந்த படத்திற்கு சென்சார் அதிகாரிகள் யு ஏ சான்றிதழ் அளித்திருப்பதாக தகவல் வெளியாகி உள்ளது. மேலும் மகான் படத்தை வரும் பொங்கல் அல்லது ஜனவரி மாதம் இறுதியில் ஓடிடி தளத்தில் வெளியிட இருப்பதாகவும் கூறப்படுகிறது. இதுகுறித்த அறிவிப்பு விரைவில் வெளியாகும் என எதிர்பார்க்கப்படுகிறது.