வவுனியாவில் நேற்று பெய்த கடும் மழையுடன் இவ்வருடம் அதிக மழைவீழ்ச்சி பதிவாகியுள்ளதாக வவுனியா வளிமண்டலவியல் அவதானிப்பாளர் தா.சதானந்தன் தெரிவித்துள்ளார் .
இது குறித்து மேலும் தெரிவிக்கையில் ,
இவ்வருடம் ஜனவரி முதலாம் திகதியிருந்து இன்று அதிகாலை 8.30 மணிவரையிலான நிறைவடைந்த காலப்பகுதியில் 1015.3 மில்லி மீற்றர் மழை வீழ்ச்சி பதிவாகியுள்ளது. இது மாவட்டத்தில் அதிகூடிய மழை வீழ்ச்சியாகவும் இவ்வருடம் பதிவாகியுள்ளது . நேற்றைய தினம் மட்டும் 46.7 மில்லி மீற்றர் மழை வீழ்ச்சி பதிவாகியுள்ளது . இடைக்கால பருவபெயர்ச்சி மழை தொடர்ந்து பெய்வதுடன் இடி மின்னல் தாக்கம் இருக்கும் மக்கள் அவதானமாக செயற்படுமாறு மேலும் தெரிவித்துள்ளார் .
