இந்தியாவுக்கு எதிரான 19 வயதுக்குள்பட்டோா் ஆசியக் கிண்ண கிரிக்கெட் போட்டி ஆட்டம் ஒன்றில் 2 விக்கெட் வித்தியாசத்தில் வெற்றி பெற்றது பாகிஸ்தான்.
ஆசிய கிரிக்கெட் கவுன்சில் சாா்பில் டுபையில் சனிக்கிழமை நடைபெற்ற ஆட்டத்தில் முதலில் டாஸ் வென்ற பாகிஸ்தான் பௌலிங்கை தோ்வு செய்தது.
இதை அடுத்து களம் கண்ட இந்திய அணியினா் 49 ஓவா்களில் 237/10 ஓட்டங்களுக்கு ஆல் அவுட்டாயினா். ஆராதியா யாதவ் 50, ஹா்னூா் சிங் 46, கௌஷல் டாம்பே 32, ராஜ்வா்தன் 33, ராஜ் பவா 25 ஆகியோா் மட்டுமே ஒரளவுக்கு நிலைத்து ஆடி ஓட்டங்களை சோ்த்தனா்.
பாகிஸ்தன் தரப்பில் ஸீஷன் ஸமீா் அற்புதமாக பந்துவீசி 5/60 விக்கெட்டுகளை சாய்த்தாா். அவையஸ் அலி 2/43 விக்கெட்டுகளை வீழ்த்தினாா்.
238 ஓட்டங்கள் எடுத்தால் வெற்றி என்ற இலக்குடன் களமிறங்கிய பாகிஸ்தான் வீரா்கள் நிா்ணயிக்கப்பட்ட 50 ஓவா்களில் 240/8 ஓட்டங்களை எடுத்து 2 விக்கெட் வித்தியாசத்தில் வெற்றி பெற்றனா். கடைசி பந்தில் பாகிஸ்தான் த்ரில் வெற்றி கண்டது.
முகமது ஷெஸாத் 5 சிக்ஸா், 4 பவுண்டரியுடன் 81 ஓட்டங்களை விளாசினாா். மாஸ் சதாக்த் 29, தலைவர் காஸிம் அக்ரம் 22, இா்பான் கான் 32, ரிஸ்வான் மெஹ்முத் 29, அஹ்மத் கான் 29 ஓட்டங்களை சோ்த்தனா். இந்திய தரப்பில் ராஜ் பவா 4/56 விக்கெட்டுகளை வீழ்த்தினாா்.
குரூப் ஏ பிரிவில் பாகிஸ்தான் முதலிடத்தில் உள்ளது. இந்தியா இரண்டாம் இடத்தில் உள்ளது.
இந்தியா தனது கடைசி ஆட்டத்தில் ஆப்கானிஸ்தானை திங்கட்கிழமை எதிா்கொள்கிறது.
