கோப்பாய் காவற்துறை பிரிவுக்கு உட்பட்ட அச்செழு பொய்ட்டி பகுதியில் உயிர் கொல்லி போதை பொருள் விற்பனையில் ஈடுபட்டு வந்த பெண் ஒருவர் நேற்று கைது செய்யப்பட்டுள்ளார்.
யாழ்ப்பாணம் காவற்துறை பிராந்திய விசேட குற்றத் தடுப்பு காவற்துறையினர் விசேட ரோந்து நடவடிக்கையின் போது இந்த கைது நடவடிக்கை மேற்கொள்ளப்பட்டுள்ளது.
உப காவற்துறை பரிசோதகர் தெய்வநாயகம் மேனன் தலைமையிலான காவற்துறை குழுவினர் பெண்ணை கைது செய்துள்ளனர். இதன்போது குறித்த பெண்ணிடமிருந்து 200 மில்லிகிராம் ஹெரோயின் போதை பொருள் கைப்பற்றப்பட்டது.
கைது செய்யப்பட்டவர் அதே பகுதியைச் சேர்ந்த 23 வயதுடைய குடும்ப தலைவி என தெரிவிக்கப்பட்டுள்ளது.
கைது செய்யப்பட்ட பெண்ணை கோப்பாய் காவல் நிலையத்தில் ஒப்படைக்கப்பட்டு மேலதிக விசாரணைகள் முன்னெடுக்கப்பட்டு வருகின்றன
