அவுஸ்ரேலியாவில் சமையல் வல்லுனர் கிண்ணத்தை இலங்கையை பூர்வீகமாக கொண்ட சிறுமி ஒருவர் வென்றுள்ளார்.
“ஜூனியர் மாஸ்டர்கெஃப் ஆஸ்திரேலியா 2020” (“Junior Masterchef Australia 2020”) என்ற போட்டியில் கலந்து கொண்ட 11 வயதுடைய ஜோர்ஜியா என்ற சிறுமி பட்டத்தை வென்றுள்ளார்.
இதன் இறுதி போட்டி அவுஸ்ரேலிய தொலைக்காட்சியான (Network 10) இல் ஒளிபரப்பப்பட்டுள்ளது.
ஏனைய போட்டியாளர்களை பின்தள்ளிய இலங்கை சிறுமி 25,000 அவுஸ்ரேலிய டொலர் பணப்பரிசை வென்றுள்ளார்.
ஜோர்ஜியா உட்பட இறுதி சுற்றில் பங்கு பற்றியவர்களுக்கு இரண்டு பிரதான உணவுகள் தயாரிக்குமாறு கூறப்பட்டிருந்தது.
அதற்கமைய ஜோர்ஜியா இலங்கையின் தேசிய பொருட்களினாலான உணவுகள் இரண்டினை தயாரித்திருந்தார். அதற்கு (Tropical Mess) என பெயரிட்டிருந்தார்.
எனது பாட்டி இலங்கையராகும். அவர் எனக்கு இலங்கை உணவுகள் சமைப்பதற்கு கற்பித்தார். அதற்கமைய நான் வெற்றி பெற்றேன். வென்ற பரிசு தொகையில் உணவு தொடர்பான விடயங்களுக்கு பயன்படுத்தவுள்ளதாக அவர் குறிப்பிட்டுள்ளார்.
