சுற்றுலா பயணம் மேற்கொள்ளவுள்ள மேற்கிந்திய தீவுகளுக்கு எதிராக அடுத்த மாதம் நடைபெறவுள்ள டெஸ்ட் தொடருக்கான அட்டவணையை இலங்கை கிரிக்கெட் சபை அறிவித்துள்ளது.
எதிர்வரும் நவம்பர் மாதம் ஆரம்பமாகும் இந்தப் போட்டியில் இரண்டு டெஸ்ட் போட்டிகள் நடைபெறவுள்ளன.
நவம்பர் 14 முதல் 17 வரை நான்கு நாட்கள் நடைபெறவுள்ள டெஸ்ட் தொடர் ஆரம்பமாவதற்கு முன் மேற்கிந்திய தீவுகளுடன் ஒரு பயிற்சி ஆட்டம் நடைபெறவுள்ளது.
முதல் டெஸ்ட் நவம்பர் 21ஆம் திகதியும், இரண்டாவது டெஸ்ட் நவம்பர் 29ஆம் திகதியும் ஆரம்பமாகிறது.
இரண்டு போட்டிகளும் காலி சர்வதேச கிரிக்கெட் மைதானத்தில் நடைபெறவுள்ளன.
இந்த போட்டி 2023 உலக டெஸ்ட் சாம்பியன்ஷிப்புடன் தொடர்புடையது.
மேற்கிந்திய தீவுகளுடனான போட்டிகள் டிசம்பர் 03 ஆம் திகதி முடிவடைந்து இரண்டு நாட்களுக்கு பின்னர் டிசம்பர் 5 ஆம் திகதி லங்கா பிரீமியர் லீக் ஆரம்பமாகவுள்ளது.
