அமீரகத்தில் பல்வேறு பகுதிகளில் கடந்த 24 மணி நேரத்தில் செய்யப்பட்ட 2 இலட்சத்து 25 ஆயிரத்து 954 டி பி ஐ மற்றும் பி சி ஆர் பரிசோதனை முடிவுகளில் 1,757 பேருக்கு கொரோனா பாதிப்பு இருப்பது உறுதி செய்யப்பட்டுள்ளது. இதனால் அமீரகத்தில் தற்போது பாதிப்படைந்தவர்களின் மொத்த எண்ணிக்கை நேற்று 5 இலட்சத்து 61 ஆயிரத்து 48 ஆக உயர்ந்தது.
கொரோனா தொற்றில் பாதிக்கப்பட்டவர்களில் நேற்று மட்டும் 1,725 பேர் குணமடைந்து தங்கள் வீடுகளுக்கு திரும்பியுள்ளனர். இதன் காரணமாக தற்போது குணமடைந்தவர்கள் மொத்த எண்ணிக்கை 5 இலட்சத்து 40 ஆயிரத்து 886 ஆக அதிகரித்துள்ளது.
கொரோனா பாதிப்பு காரணமாக நேற்று ஒரே நாளில் 3 பேர் பலியானார்கள். இதனால் தற்போது பலியானவர்களின் எண்ணிக்கை 1,661 ஆக உயர்ந்துள்ளது. தொடர்ந்து தடுப்பூசி போடுவது குறித்து பொதுமக்களிடம் வலியுறுத்தப்பட்டு வருவதால் கொரோனா பரவல் கட்டுப்பாட்டில் முன்னேற்றம் ஏற்பட்டு வருகிறது. பல்வேறு மருத்துவ சிகிச்சை மையங்களில் மொத்தம் 18 ஆயிரத்து 501 பேர் கொரோனா தொற்றுக்காக சிகிச்சை பெற்று வருகின்றனர்.
