பிரித்தானிய சுகாதார அமைச்சின் செயலாளர் சஜிட் ஜாவிட்டுக்கு (Sajid Javid) கொவிட்-19 தொற்று உறுதியாகியுள்ளதாக வெளிநாட்டு ஊடகங்கள் செய்தி வெளியிட்டுள்ளன.
அவர் இரண்டு கொவிட்-19 தடுப்பூசிகளையும் பெற்றுக் கொண்ட நிலையில் தற்போது தொற்று உறுதிப்படுத்தப்பட்டுள்ளதாக பிரித்தானிய தகவல்கள் தெரிவிக்கின்றன.
இதன் காரணமாக சிறியளவிலான நோய் அறிகுறிகளே அவருக்கு தென்படுவதாக அந்த தகவல்கள் குறிப்பிட்டுள்ளன.
தொற்று உறுதியானதையடுத்து அவர் தனிமைப்படுத்தப்பட்டுள்ளார்.
பிரித்தானியாவில் நாளாந்தம் 50 ஆயிரத்திற்கும் அதிகமான கொவிட்-19 தொற்றாளர்கள் அடையாளம் காணப்படுகின்றனர்.
அந்த வகையில் கடந்த 24 மணித்தியாலங்களில் அங்கு 54,674 பேருக்கு கொவிட்-19 தொற்று உறுதியாகியுள்ளது.