திருமணத்துக்கு அப்பாலான காதல் தொடர்பு மூலம் மகள் இருப்பதை பெல்ஜிய முன்னாள் மன்னர் இரண்டாம் அல்பேர்ட் ஒப்புக்கொண்டார்.
பல வருட கால சட்டப் போராட்டம் காரணமாக மரபணுப் பரிசோதனைக்கு உட்பட நிர்பந்திக்கப்பட்டதை அடுத்து அவர் இவ்வாறு ஒப்புக்கொண்டுள்ளார் .
பெல்ஜிய பெண் ஓவியரான டெல்பைன் போயல் (51வயது) ஒரு தசாப்தத்திற்கு மேலாக பெல்ஜிய முன்னாள் மன்னரே தனது தந்தையென சட்டப் போராட்டத்தை மேற்கொண்டு வந்திருந்தார்.
இந்நிலையில் 2013 ஆம் ஆண்டு உடல் நலமின்மையால் தனது பதவியை இரண்டாம் அல்பேர்ட் துறந்ததால் அவர் விசாரணைகளிலிருந்து விதிவிலக்கைப் பெறுவதற்கான தனது சிறப்புரிமையை இழந்தார்.
இதனையடுத்து அவருக்கு மேற்கொள்ளப்பட்ட மரபணு பரிசோதனையில் அவரே டெல்பைனின் தந்தை என்பது நிரூபணமாகியுள்ளது.