தான் இயக்கியுள்ள நவரசா ஆந்தாலஜியின் குறும்படம் இளையராஜாவின் ஒரு பாடலை மையமாக வைத்து உருவாக்கப்பட்டுள்ளதாக கௌதம் மேனன் தெரிவித்துள்ளார்.
அமேசான் ப்ரைம் தளத்துக்காக மணிரத்னம் ஆந்தாலஜி தொடரை உருவாக்கி வருகிறார். நவரசா எனப் பெயரிடப்பட்டுள்ள இந்த தொடரில் 9 கதைகள் காதல், சிரிப்பு, பரிவு, கோபம், வீரம், பயம், அருவருப்பு, அதிசயம் மற்றும் சாந்தம் என 9 நவரசங்களையும் வைத்து 9 கதைகளை 9 இயக்குனர்கள் இயக்கவுள்ளனர்.
இந்த கதைகளில் ஒன்றில் நடிகர் சூர்யா நடிக்க, இயக்குனர் கௌதம் மேனன் இயக்கி வருகிறார். அந்த பகுதிகளின் படப்பிடிப்பு நடந்து முடிந்துள்ளது. இந்த படத்துக்கு ஒளிப்பதிவாளராக பி சி ஸ்ரீராம் பணியாற்றியுள்ளார்.
