பிரபல நகைச்சுவை நடிகர் பாண்டு கொரோனாவுக்கு பலியானார். இதனால் திரையுலகில் பெரும் அதிர்ச்சி ஏற்பட்டுள்ளது
நூற்றுக்கணக்கான திரை படங்களில் நகைசுவை வேடங்களில் நடித்தவர் நடிகர் பாண்டு. இவரது சிரிப்பு ரசிகர்களை கவர்ந்தது என்பது குறிப்பிடத்தக்கது
இந்த நிலையில் நடிகர் பாண்டு சமீபத்தில் கொரோனாவால் பாதிக்கப்பட்டார். இதனையடுத்து சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்த நிலையில் இன்று அதிகாலை அவர் சிகிச்சை பலனின்றி உயிரிழந்ததாக அறிவிக்கப்பட்டுள்ளது.
நடிகர் பாண்டுவுக்கு குமுதா என்ற மனைவியும் 3 மகன்களும் உள்ளனர் என்பது குறிப்பிடத்தக்கது. மேலும் பாண்டுவின் மனைவியும் கொரோனாவால் பாதிக்கப்பட்டு மருத்துவமனையில் சிகிச்சை பெற்று வருவதாக தகவல்கள் வெளிவந்துள்ளன.
