நடிகர் கமல்ஹாசன் தற்போது லோகேஷ் கனகராஜ் இயக்கும் விக்ரம் படத்தில் நடிக்கிறார். இதுதவிர பிக்பொஸ் நிகழ்ச்சியில் பங்கேற்று வருகிறார். சமீபத்தில் அமெரிக்காவுக்கு சென்று சென்னை திரும்பியிருந்தார். இந்நிலையில் கொரோனா அறிகுறி தென்பட பரிசோதனையில் உறுதியானதை அடுத்து சென்னை ராமச்சந்திரா மருத்துவமனையில் சிகிச்சை பெற்று வருகிறார். அவரது உடல் சீராக உள்ளதாக மருத்துவமனை அறிக்கை வெளியிட்டது.
இந்நிலையில் மருத்துவமனையில் உள்ள கமல்ஹாசனிடம் தொலைபேசியில் உடல் நலம் விசாரித்துள்ளார் நடிகர் ரஜினிகாந்த். அதோடு விரைவில் குணமடைந்து அவர் வீடு திரும்பவும் ரஜினி வாழ்த்து தெரிவித்துள்ளார்.
எஸ்.பி. முத்துராமன், பிரபு, சரத்குமார், சந்தானபாரதி, ஐசரி கணேஷ், ஏ.சி.சண்முகம், ராதாரவி, லோகேஷ் கனகராஜ், அட்லீ, பகத் பாசில், ஞானசம்பந்தன், ராஜேஷ், சிவகார்த்திகேயன், விஷ்ணு விஷால், ராம்குமார், விக்ரம் பிரபு உள்ளிட்ட பல பிரபலங்களும் கமல் விரைவில் குணமாகி திரும்ப வேண்டும் என வாழ்த்து தெரிவித்துள்ளனர்.
