ரஷ்யாவினால் தயாரிக்கப்பட்டுள்ள ஸ்புட்னிக் வி கொரோனா தடுப்பூசியை இலங்கையில் தயாரிப்பதற்கு தேவையான உதவிகளை வழங்க முடியும் என ரஷ்யா, இலங்கையிடம் தெரிவித்துள்ளது.
ரஷ்யா தூதவர் அந்த விடயம் தொடர்பில் ஜனாதிபதியிடம் அறிவித்துள்ளதாக கொரோனா ஒழிப்பு, ஆரம்ப சுகாதாரம் தொடர்பான இராஜாங்க அமைச்சின் செயலாளர் விசேட வைத்திய நிபுணர் அமல் ஹர்ஷ டி சில்வா தெரிவித்துள்ளார்.
தேசிய ஔடத கூட்டுத்தாபனம் தற்போது ஸ்புட்னிக் வி கொரோனா தடுப்பூசியை கொள்வனவு செய்ய நடவடிக்கை எடுத்துவருவதாக அவர் தெரிவித்துள்ளார்.
அத்துடன் 2 மில்லியன் பைஸர் பயோ என்டெக் கொரோனா தடுப்பூசியை கொள்வனவு செய்ய யோசனை முன்வைக்கப்பட்டுள்ளதாகவும் அவர் தெரிவித்துள்ளார்.
