ஒவ்வொரு தரப்பிலும் வெவ்வேறு கருத்துக்கள் கூறப்பட்டாலும் அமெரிக்காவுடனான எம்.சீ.சீ. உடன்படிக்கையில் கைச்சாத்திடுவதற்கு அரசாங்கம் இதுவரையில் எந்தவிதமான தீர்மானத்தையும் எடுக்கவில்லையென அமைச்சர் டளஸ் அழகப்பெருமன தெரிவித்துள்ளார்.
கடந்த அரசாங்கம் இந்த உடன்படிக்கையை எந்தவிதமான கலந்துரையாடல்களும் இன்றி கொண்டு வர முயற்சித்ததனால்தான் பல்வேறு பிரச்சினைகளுக்கு முகம்கொடுக்க நேரிட்டதாகவும் அமைச்சர் சுட்டிக்காட்டியுள்ளார்.
இதுபோன்ற உடன்படிக்கைகள் மேற்கொள்ளும் போது பொது மக்களின் கைகளுக்கு உடன்படிக்கையின் சகல உள்ளடக்கமும் செல்ல வேண்டும். எந்தவொன்றையும் மறைத்து செய்வதற்கு முயற்சிக்க கூடாது எனவும் அமைச்சர் நேற்று அமைச்சரவைத் தீர்மானம் அறிவிக்கும் ஊடகவியலாளர் சந்திப்பில் கூறியுள்ளார்.
