லங்கா பிரிமீயர் லீக்கில் விளையாடும் இர்பான் பதான், டி20 கிரிக்கெட்டில் 2000 ரன்கள் மற்றும் 150 விக்கெட் வீழ்த்தி ஜடேஜா சாதனையுடன் இணைந்துள்ளார்.
இந்திய கிரிக்கெட் வீரர் ரவீந்திர ஜடேஜா டி20 கிரிக்கெட்டில் 2000 ரன்கள் மற்றும் 150 விக்கெட் வீழ்த்திய ஒரே இந்திய வீரர் என்ற பெருமையை பெற்றுள்ளார்.
இடது கை வேகப்பந்து வீச்சாளரான இர்பான் பதான் சர்வதேச கிரிக்கெட்டில் இருந்து ஓய்வு பெற்றுவிட்டார். தற்போது நடைபெற்று வரும் லங்கா பிரிமீயர் லீக்கில் கண்டி டஸ்கர் அணிக்காக விளையாடி வருகிறார்.
இவர் ஜாஃப்னா ஸ்டாலியன்ஸ் அணிக்கெதிராக 19 பந்தில் 25 ரன்கள் அடித்து அணியின் வெற்றிக்கு முக்கிய காரணமாக இருந்தார். இந்த நிலையில் டி20-யில் 2000 ரன்கள் அடித்ததுடன் 150 விக்கெட் வீழ்த்தினார்.
