தென் ஆபிரிக்க அணியின் வேகப் பந்துவீச்சாளர் டேல் ஸ்டெய்ன், அனைத்து வகையான சர்வதேச கிரிக்கெட் போட்டிகளிலும் இருந்து ஓய்வுபெறவுள்ளதாக அறிவித்துள்ளார்.
38 வயதான டேல் ஸ்டெய்ன், தனது 20 வருட கிரிக்கெட் பயணத்தில் பந்துவீச்சினால் அணிக்கு பல வெற்றிகளை பெற்றுக்கொடுத்துள்ளதுடன், ரோயல் செலஞ்சர்ஸ் பெங்களூர் அணிக்காக விளையாடி ஐபிஎல் போட்டிகளிலும் சிறப்பான பந்துவீச்சை வெளிப்படுத்தியுள்ளார்.
எனினும், உபாதை காரணமாக கடந்த சில வருடங்களாக போட்டிகளிலிருந்து விலகியிருந்த நிலையில், ட்விட்டரில் பதிவொன்றின் ஊடாக தனது ஓய்வை அறிவித்துள்ளார்.
டெஸ்ட் போட்டிகளில் 430 விக்கெட்டுகளையும், ஒருநாள் சர்வதேச போட்டிகளில் 196 விக்கெட்டுகளையும், இருபது20 போட்டிகளில் 263 விக்கெட்டுகளையும் டேல் ஸ்டெய்ன் கைப்பற்றியுள்ளார்.
